The Angry Phone User

好耐無飲Pacific Coffee，有日醒起好似年幾？兩年前開咗張Pacific Coffee之後好似用過張卡同佢個App三四五六次左右，用仲有幾廿蚊響個戶口度。 於是又Download返個App落嚟。 咁我有keep返實體卡號碼同密碼，諗住跟住入就有啦。 ※　　　※　　　※　　　※ Pacific Coffee個App就話──更新咗，舊去新要「手機驗證」。  咁你咪驗，個App都show到我個手機咯。 Well，我以為。 如果work，大家係睇唔到呢篇。 因為唔work。 ※　　　※　　　※　　　※ 單嘢仲好搞笑── Pacific Coffee個App要「手機驗證」時，係星期日晚八點。 流程都係啦，見到個手機號啱，確認。 下一步Pacific Coffee就send個SMS過你，跟住入返個6個字OTP。 一次～性～密碼。 之不過，唔講唔知，原來Pacific Coffee個App，同Pacific Coffee啲街舖一樣。 原來星期日八點收工。 因為前後我試過十次。一個SMS都收唔到。 直至星期一，十一點左右，電話突然爆出十個SMS──尋晚嗰十個OTP。 哦？原來Pacific Coffee個Server，唔止係星期日晚唔開。 連Workday都唔做早市，早餐完咗先開工。 真係唔講唔知…

UPDATE 2023.11.23: 本篇出咗唔夠一個星期，渣打就推新版App。呢篇係講緊version 6。 返返原文： 今次講講渣兜…呀唔係，係渣打香港個iOS App。 發鈔銀行呢，三間用緊兩間，阿爺嗰間從來冇幫襯過，之後都冇任何興趣去幫襯，所以佢可能好彩？ 另外嗰間好好咩，唔係，只係渣兜差。都係嗰句，冇比較冇傷害。 入正題。 渣打香港個App有幾差。 ●渣打香港app：「可用」同「好用」係兩樣嘢！ 嗱，又打返個底先，渣打香港個App，基本功能係用到有嘅，啲嘢係用到嘅，好底線嗰隻──即係睇到未必係即時嘅結餘，可以用電話／Email／Proxy經轉數快、Bank Code + 戶口號碼經EGC、或者CHATS過錢本地銀行呀；TT去電匯去第二度呢啲銀行功能都係無問題。 即係叫可以用咁。 可以用同好用係兩回事。 第一個槽點──就係浮力波波同個Chatbot。 個名係咪Stacy定乜鬼？ ●浮力波波。個chatbot不如唔好叫Stacy，叫George──「阻住」呀！ Chatbot？免了，謝謝 記得大約係18、19年開始，香港啲財金機構膠…高層就開始吹Chatbot。 然後一兩年之後，一班vendor就好開心咁收錢…呀唔係，係一班中層就響Apprisal寫最大嘅貢獻就係數碼化，引入間機構通往元宇宙嘅捷徑。 喂嗰時Facebook都未改名叫Meta，「元宇宙」三隻字仲未~吹出嚟呃水喉~成為下一代互聯網嘅概念藍本…。 講真，呢啲咁嘅假狗Chatbot，有咩用同邊個真係用？ 大家有冇用過，筆者多手，基本上啲機構一有呢啲嘢我就去玩。 Chatbot嘅嘢呢，通常玩一下就好，兩下就會爛。 簡單講，市面用到嘅，最最最好就係放啲IVRS（即係互動電話，廣東話按1、查結餘按1之類嗰啲），因為至少有條路畀個客去行… 「好高熬遠」嗰的先死得慘，懶係要有機械學習呀，於是只係係咁易丟啲FAQ入去「學習」，加個唔係咁靚仔嘅search engine…結果就係關鍵字唔中，關聯字唔夠，問乜冇乜。 而香港行內根本對呢啲嘢就冇美國或者大陸嘅所謂Product mindset產品開發思維，好多時仲係停留響──個 Project「完咗」就轉mode做BAU（Business as usual）但係冇新編預算人手不變，再交畀啲唔關事嘅人去「own」。結果就當然係…呵呵，唔

大家有冇用過 香港快運（HKExpress／UO） 個iPhone App ？ 單係下面幾點就想插死佢── 大家有冇用過 香港快運（HKExpress／UO） 個iPhone App ？ 單係下面幾點就想插死佢── 1. 又大又唔更新唔畀用 個APP有冇任何必要update得咁頻密，嗱，update得密都不單止，仲要係 唔update冇得用 。 真係慢一個小數點version都唔得！ 呀大哥，你嗰啲唔係細細個package嘅delta update，好似啲銀行咁一小個package係咁易load響後面就搞掂喎。 你係下下都百九幾MB咁大細咁，唔update就prompt個system dialog問候你，唔畀用。 2. 寫咗等於冇寫更新記錄 去App Store睇下UP乜。 咁頻密，一定好重要… 咩？「General update and enhancement」？ 大哥？寫咗同冇寫有咩分別？ 仲次Q次都係？ 仲有，你個 update咁General ，要花個139MB去download？ 你個App係本地用，返屋企可以用WIFI無限data咁download，百幾MB響4G/5G plan都唔貴下都仲可以abuse下。 大佬，唔係喎！ 你個係* 航空公司 *app喎，啲user係要搭* 你間航空公司 *啲飛機飛去外國，飛返返嚟時要響外面* 上網check in *喎。 你唔update唔俾人用？個個酒店有免費wifi？ 上網漫遊唔駛錢？無限？個個都有？你有冇用過？十幾蚊日某某鳥個「無限上網漫遊」一日就得500MB data，過咗就跌到龜速128kb。 即係一係消耗139MB/500MB去download你個 update得好General 嘅APP先可以check-in,  一係龜速128KB去download你個139MB嘅General update？ 理論速度（139 × 1000 ÷ 128 ÷ 60）係1086秒，18分鐘。 等成四個字去做個General update先可以Check-in真係方便到成個人震晒 。 冇人聽過咩叫兼容性compatible？ 3. 次次更新完登入好好玩？ 仲有，次Q次update完又又又又又要重新LOGIN。 儲住個Login credential係咪咁高新科技？定係你保安真係安全過香港所有銀行同證券App？（定係因為香港

廣告收錢，吐槽免費！ 2005年reg，結果一個blog post都冇咁滯。 如果唔係2023年Google整個Email話唔登入唔Migrate去Google Login就連根拔嘅話，都唔醒起呢個blogger站。 本blog全部香港土砲廣府話開炮轟！